الدليل الشامل للبحث عن سكن في ألمانيا: نصائح ومواقع موثوقة
كيف تلقى سكن في ألمانيا؟
دي قائمة بأشهر المواقع الممكن تستخدمها لو داير تلقى سكن في ألمانيا. في الغالب، الإعلان الواحد بتلقاه نازل في أكتر من موقع، لأن المالك بنشره في أماكن مختلفة :
- www.wg-gesucht.de
- DAAD Wohnheim
- www.kleinanzeigen.de
- www.studenten-wg.de
- www.immobilienscout24.de
- www.immowelt.de
- www.immonet.de
أول أربع مواقع دي هي الأكتر شهرة واستعمال، سواء للطلاب او العاملين.
كيف تستفيد من المواقع دي بطريقة صحيحة؟
1. تابع العروض أول بأول وفعل الاشعارات
المواقع دي بتوفر تصنيفات حسب الزمن. المالك لمن ينزل إعلان جديد، غالباً بيجيه عشرات الرسائل، وبيكتفي يرد على أول 5-6 أشخاص فقط.
عشان كده، لازم تكون سريع. حاول تحدث الصفحة كل ساعة أو ساعتين وتلقى العروض الجديدة. أول ما تلقى عرض مناسب، أرسل رسالة للمالك فوراً.
2. كتابة رسالة للمالك
دي أهم خطوة، لازم تكون الرسالة مرتبة، ومكتوبة بالألمانية. حاول تبين اهتمامك بالسكن وتخليها مختصرة وواضحة.
النقاط الأساسية للرسالة:
- اسمك
- عمرك
- شغلك أو دراستك في ألمانيا
- المدة الزمنية اللي ناوي تسكن فيها
3. المقابلة لرؤية الشقة (Besichtigungstermin)
لو رسالتك وصلت المالك، غالباً حيحدد معاك موعد زيارة عشان تشوف الشقة ويناقش معاك بعض التفاصيل.
4. السكنات المشتركة (WG)
السكن المشترك خيار مناسب وارخص مقارنة مع انواع السكن الاخرى بميزه فيه تواصل اجتماعي أكتر خصوصا لو جديد وعاوز تتعلم اللغة الالمانية. في بعض السكنات، بيكون فيها نظام أنشطة جماعية أو تقسيم واجبات (زي التنظيف أو الطبخ). السكنات دي عادةً بتكون أرخص، لكنها بتحتاج إنك تكون شخص مرن ومفتوح للتعامل مع الآخرين.
بدليل شامل للبحث عن سكن في ألمانيا: نصائح ومواقع موثوقة
أنواع السكن في WG:
- مستأجر رئيسي ومستأجرين من الباطن: واحد بيكون المستأجر الرئيسي (صاحب العقد مع المالك)، والبقية ساكنين من الباطن. في الحالة دي، المستأجر الرئيسي مسؤول عن دفع الإيجار الكامل.
- كلهم مستأجرين رئيسيين: كل واحد عندو عقده الخاص مع المالك، ودي بتدي الكل حقوق وواجبات متساوية.
- عقود فردية: كل شخص بيكون عندو عقد إيجار لغرفته، وبشارك باقي الأماكن العامة زي المطبخ والحمام مع الآخرين.
نصائح عند توقيع العقد
لمن تلقى السكن المناسب وتجي توقّع العقد، لازم تنتبه للبنود كويس. دي أهم الحاجات المفروض تراجعها:
- هل عقد دائم ولا محدد بفترة زمنية؟
- هل في تكاليف إضافية Nebenkosten؟ (زي الكهرباء أو الإنترنت).
- مدة العقد وفترة الإشعار (Notice Period): كم شهر عندك لو قررت تترك السكن؟
الخلاصة:
البحث عن سكن في ألمانيا ممكن يكون تحدي، لكن لو استخدمت النصائح دي وكنت سريع ومرتب في خطواتك وممكن تشوف قروبات فيسبوك تبحث فقط بي اسم المنطقة او تشوف الناس البتعرفهم، حتلقى المكان المناسب إن شاء الله. ما تنسوا تدعوا لينا وتشاركوا النصائح مع ناس تانين عشان الكل يستفيد. بالتوفيق!
بدليل شامل للبحث عن سكن في ألمانيا: نصائح ومواقع موثوقة
